Ibiciro bishya by’ibikomoka kuri peteroli mu gihe cy’amezi abiri (2) ari imbere.
Urwego Ngenzuramikorere (RURA) ruramenyesha abaturarwanda bose ko mu gihe cy’amezi abiri (2) ari imbere, uhereye ku wa 08 Ugushyingo 2025, saa kumi n’ebyiri za mu gitondo (6:00), ibiciro ntarengwa by’ibikomoka kuri peteroli bivuguruwe mu buryo bukurikira:
Lisansi ntigomba kurenza amafaranga y’u Rwanda 1,989 kuri Litiro.
Mazutu ntigomba kurenza amafaranga y’u Rwanda 1,900 kuri Litiro.
Mu rwego rwo guhangana n’ihindagurika ry’ibiciro by’ibikomoka kuri peteroli ku isoko mpuzamahanga, Guverinoma y’u Rwanda ikomeje gucunga neza ububiko bw’ibikomoka kuri peteroli no gushyira mu bikorwa imicungire myiza y’ubukungu muri rusange hagamijwe kurengera abaguzi no kwirinda izamuka rikabije ry’ibiciro.
