Umunyamerika utuye muri Leta ya Arkansas yatsindiye miliyari 1,8 z’amadolari ya Amerika, ni ukuvuga asaga miliyari 2600 Frw, muri tombola yabaye ku mugoroba ubanziriza Noheli.
Nk’uko byatangajwe n’abategura tombola, ni umuntu wa kabiri utsindiye amafaranga menshi. Agahigo gasanzweho ni ak’umuntu watsindiye miliyari 2,4 z’amadolari ya Amerika mu Ugushyingo 2022.
Abatsindiye ibihembo byabo binyuze muri Powerball bashobora guhitamo guhabwa ayo mafaranga yose mu gihe cy’imyaka 30 cyangwa bakayahabwa inshuro imwe. Iyo uhisemo kuyahabwa inshuro imwe, hari ayo ukatwa ku buryo nk’uyu watsinze, yacyura miliyoni 834,9 z’amadolari ya Amerika.
Kugira ngo umuntu abashe kugerageza amahirwe ye, bisaba ko agura itike y’amadolari abiri. Amahirwe yo gutsindira igihembo muri iyi tombola aba ari menshi ariko ntabonwa na buri wese. Itike imwe iba ishobora gutuma umuntu atsindira miliyoni 292,2$.
