Kicukiro: Umugabo utamenyekanye imyirondoro yasanzwe muri ruhurura yapfuye

Mu Karere ka Kicukiro Umurenge wa Gahanga Akagali ka Kagasa Umudugudu wa Nyagafunzo umugabo utaramenyekana imyirondoro yasanzwe muri ruhurura yapfuye.

Iyi nkuru y’urupfu rw’uyu mugabo yatangiye kumvikana mu rukerera rwo kuri uyu wa Gatandatu tariki 11 Ukwakira 2025 ubwo Abaturage bahanyuraga bakabona umugabo aryamye muri ruhurura iri hafi y’umuhanda bamwegereye babona yapfuye.

Bamwe mu baturage babibonye babwiye IGIKA TV ko uwo mugabo batari basanzwe bamuzi muri aka gace.

Ati” Ni Umugabo twabonye muri ruhurura ntago tuzi aho aba Kuko ntago tumuzi muri aka gace.

Aba baturage bakomeza bavuga ko bakeka ko yaba yaguyemo amazi akamumanukana Kuko nta bikomere byinshi yarafite uretse akaboko kari kakomeretse byoroheje.

Ati” Turakeka ko yaguye muri ruhurura yo haruguru noneho amazi akamutembana yagera muya hano ibyatsi akaba aribyo bimufata.yari yakomeretse byoroheje ku kaboko.”

Ubwo twakoraga iyi nkuru inzego z’umutekano zirimo RIB na Polisi zari zahageze kugirango hatangire iperereza ku cyaba cyishe nyakwigendera.