RCS yatangaje ko gusura abantu bafungiye mu Igororero rya Muhanga byasubitswe kubera impamvu z’umutekano

Ubuyobozi bw’Urwego rw’Igorora (RCS) buramenyesha abasuraga ababo bari mu Igororero rya Muhanga ko gahunda yo gusura yasubitswe by’agateganyo.

Iki cyemezo cyafashwe kubera impamvu zijyanye n’ibikorwa by’umutekano biri gukorerwa muri iryo gororero, bigamije kurushaho kurinda umutekano w’abarifungiyemo, abakozi baryo ndetse n’abasura.

Ubuyobozi bwa RCS buvuga ko igihe gusura bizongera gusubukurirwa, hazatangwa irindi tangazo ribimenyesha ku mugaragaro.

RCS ishimira abasuraga ababo ubufatanye n’ubwiyumvane bagaragaje muri ibi bihe, ikanabasaba gukomeza kwihangana muri izi mpinduka z’agateganyo.