Kiliziya Gatorika yirukanye umushumba wibye arenga Miliyoni 350 Frw

Papa Léon XIV yakiriye ubwegure bwa Musenyeri Hana Shaleta wo mu Mujyi wa San Diego wo mu Majyepfo ya California muri Leta Zunze Ubumwe za Amerika, ukurikiranyweho kwiba amafaranga ya Kiliziya.

Uyu mushumba yeguye nyuma yo gutabwa muri yombi n’ubuyobozi bwa San Diego aho akekwaho kwiba ibihumbi 250$ (arenga miliyoni 364 Frw) ya Kiliziya nk’uko Vatican yabitangaje kuwa 10 Werurwe 2026.

Uyu mushumba yahakanye ibyaha 16 aregwa bifite aho bihuriye no kunyereza umutungo n’iyezandonke ubwo yari mu rukiko ku wa 9 Werurwe 2025.

Umushinjacyaha Wungirije muri San Diego, Joel Madero, yavuze ko ibi byaha uyu mushumba akurikiranyweho byakozwe mu 2024.

Ni ibyaha byagamenyekanye nyuma y’uko umukozi wa Kiliziya muri aka gace yagaragazaga ko ahari amafaranga yaburaga.

Hana Shaleta yatawe muri yombi ku wa 5 Werurwe 2026. Yafatiwe ku kibuga mpuzamahanga cy’indege ubwo yashaka gutoroka akava muri Amerika nk’uko itangazo ryatashyizwe hanze n’ubuyobozi bw’aka kace ryabigaragaje.

Uhagarariye Hana Shaleta mu mategeko yavuze ko umukiliya we atari atorotse ahubwo ngo yari agiye mu ruzinduko yari yateguye kugirira mu Budage.