Bobi Wine agiye kwiyamamariza kuyobora Uganda

Umunyapolitike utavuga rumwe n’ubutegetsi bwa Uganda, Robert Kyagulanyi, yafashe impapuro zitangwa na Komisiyo y’Amatora ya Uganda zuzuzwa n’abifuza guhatanira umwanya w’umukuru w’igihugu mu 2026.

Kyagulanyi wari uhagarariye ishyaka National Unity Platform mu matora aheruka yongeye kugaragaza ko azahatanira kuyobora Uganda.

Impapuro zihamya ko aziyamamaza zashyikirijwe Umunyamabanga Mukuru w’ishyaka NUP, David Lewis Rubogonya waherekejwe na Visi Perezida waryo Dr. Lina Zedriga ku wa 18 Kanama 2025, ku cyicaro cya Komisiyo y’Amatora i Kampala.

Kyagulanyi wamamaye cyane mu muziki muri Uganda no mu Karere ka Afurika y’Iburasirazuba, mu matora aheruka yabaye uwa kabiri, inyuma ya Perezida Yoweri Kaguta Museveni wayegukanye.

Abasesenguzi bemeza ko ishyaka rya Kyagulanyi ryitwaga People Power ryaje guhinduka NUP mu 2020 ryatinyuye bamwe mu rubyiruko biyumvamo ko bashobora kurema impinduka mu miyoborere y’igihugu