Itangazo ku ngendo z’abanyeshuri biga bacumbikirwa mu gihe cyo gusubira ku mashuri

Hashingiwe ku ngengabihe y’umwaka w’amashuri wa 2025/2026 yatangajwe na Minisiteri y’Uburezi, Ikigo cy’igihugu gishinzwe Ibizamini n’Ubugenzuzi bw’Amashuri (NESA) kiramenyesha abanyeshuri, abayobozi b’amashuri, abarezi ndetse n’ababyeyi ko abanyeshuri biga bacumbikirwa bazatangira gusubira ku Ishuri gutangira igihembwe cya gatatu kuva tariki ya 17/04/2026 kugera ku ya 20/04/2026.

Gahunda y’ingendo iteye mu buryo bukurikira hagendewe ku karere ishuri abana bigamo riherereyemo:

ICYITONDERWA:
• Ababyeyi barasabwa kubahiriza gahunda y’ingendo, bohereza abana hakiri kare. Abanyeshuri bose barasabwa kugenda bambaye umwambaro w’ishuri.

• Ababyeyi barasabwa guha abana amafaranga y’urugendo azabageza ku ishuri ndetse n’azabagarura barangije igihembwe cya gatatu.
• Abashinzwe uburezi mu turere no mu mirenge barasabwa gukurikirana iki gikorwa no gukurikirana ko amashuri yiteguye kwakira abanyeshuri.

• Mu rwego rwo korohereza abanyeshuri mu ngendo, abanyeshuri bahagurukira i Kigali n’abandi banyura i Kigali berekeza mu zindi ntara, bazafatira imodoka kuri “KIGALI PELE STADIUM”.
• Nyuma ya saa cyenda (15h00) z’amanywa sitade izajya iba ifunze. Nta munyeshuri wemerewe kuza nyuma y’iyo saha.