Rubavu: Abantu 57 borojwe Inka binyuze muri gahunda yiswe ‘ Umunsi wahariwe Inka’

Kuri uyu wa 27 Mutarama 2026 bamwe mu batarage bo mu Murenge wa Mudende n’uwa Bugeshi bahawe Inka binyuze muri gahunda yiswe ‘umunsi wahariwe Inka’.

Ibi byabereye mu Karere ka Rubavu Umurenge wa Mudende Akagali ka Rwanyakayaga ,abaturage bibukijwe Kwita ku Nka zigafatwa neza kugirango zibashe kubafasha kwikura mu bukene.

Ni umuhango wari uyobowe na Murindwa Prosper uyobora Akarere ka Rubavu, ni igikorwa kandi cyari cyitabiriwe n’inzego zitandukanye harimo n’Umuyobozi w’Intara y’Iburengerazuba,

Meya w’Akarere yibukije abaturage ko gahunda ya girinka ikomeje no ku bandi baturage itari yageraho.

Kuri uy’umunsi hatanzwe Inka 57 ku baturage batoranyijwe, hanatangwa ‘certificat’ ku baturage bitwaye neza mu gufata neza Inka.

Muyizere Françoise wo mu Kagali ka Bihungwe Umudugudu wa Bihungwe ni umwe mubahawe ‘certificat’ anashimirwa kutadohoka kwikura mu bukene, ashimira ubuyobozi bwateguye iki gikorwa Kuko nk’aborozi bibongerera imbaraga.

Ati:” Nk’abaturage turishimye,turashimira ubuyobozi bwateguye iki gikorwa Kuko bitwongerera imbaraga zo kugumya kwita ku matungo yacu neza kugirango tuzoroze abandi Kandi natwe tuzaziboneho umusariro abana bacu banywe amata.”

Iki gikorwa cyasojwe no kugaburira abana banabaha amata.