Umuraperi Lil Poppa wamamaye abikesha indirimbo zirimo ‘Eternal living na Love&war’ yitabye Imana

Umuraperi Lil Poppa wari mu bari batangiye kuzamuka neza mu muziki wa Amerika, yitabye Imana afite imyaka 25.

Lil Poppa yapfuye ku wa 18 Gashyantare 2026, gusa ntabwo hahise hatangazwa icyamwishe.

Uyu muraperi mu 2022 nibwo yasinye muri Collective Music Group (CMG) ya Yo Gotti.

Muri Kanama 2025, Poppa yari yasohoye album igizwe n’indirimbo 16 yise ‘Almost normal again’ ndetse yaherukaga gushyira hanze indirimbo yise ‘Out of town bae’ mu gihe yari ategerejwe mu gitaramo yagombaga kuririmbamo muri New Orleans muri Werurwe 2026.

Ku rundi ruhande, Poppa yitabye Imana ari mu myiteguro y’ibitaramo bizenguruka Amerika amenyekanisha album ye nshya ‘Almost normal again’.

Lil Poppa wafatwaga nk’umuraperi ukunda kwibanda ku buzima bwo ku muhanda, yakunzwe mu ndirimbo nka ‘Eternal living’, ‘Love&war’, ‘To the point’, ‘Happy tears’ n’izindi nyinshi.