Ngoma: Umugabo w’imyaka 38 yibye Ibendera ry’Igihugu

Mu gitondo cyo kuri uyu wa Gatanu Tariki ya 1 Gicurasi 2026 inzego z”umutekano zataye muri yombi umugabo w’imyaka 38 ukekwaho kwiba ibendera ry’Igihugu.

Ibi byabereye mu Karere ka Ngoma Umurenge wa Kazo Akagali ka Gahurire Umudugudu w’Itambiro.

Amakuru IGIKA TV duekesha abatuye muri aka gace avuga ko umugabo witwa Ngirabakunzi Cyprien yafatanywe ibendera ry’Igihugu iwe mu rugo.

Amakuru akomeza avuga ko uyu mugabo yitwikiriye ijoro ubwo imvura yahwaga akajya kwiba iri bendera, amakuru avuga ko mu masaha ya Saa kumi z’igitondo yabanje kujya ku Kagali yibarisha umunyerondo witwa mugenzi asanga ntiyakoreye aho.

Mu kugenda hashize umwanya barebye ibendera bararibura bahise bakeka ko Ngirabakunzi Cyprien yaritwaye.

Bumaze gucya umugore wa Cyprien niwe yahise atanga amakuru ko umugabo we yibye ibendera aranaryerekana inzego z’umutekano zihita zimuta muri yombi.

Kugeza ubu ukekwa afungiye kuri Sitasiyo ya RIB ya kibungo mu gihe iperereza rigikomeje.