Guverineri w’Intara ya Kivu y’Amajyaruguru washyizweho n’ihuriro AFC/M23 rirwanya ubutegetsi bwa Repubulika Iharanira Demokarasi ya Congo, Bahati Musanga Erasto, yahinduye ubuyobozi bw’Umujyi wa Goma.
Itangazo ryo ku wa 9 Mata 2026 rigaragaza ko Kisuba Ngabo Désiré yagizwe Meya wa Goma, asimbuye Julien Katembo Ndalieni wagizwe Umuyobozi wa teritwari ya Lubero. Kisuba yari asanzwe ari Visi Meya w’uyu mujyi.
Nshimiyimana Juvénal wari Umuyobozi ushinzwe ubukangurambaga no gushaka abarwanyi bashya muri AFC/M23 yagizwe Visi Meya w’Umujyi wa Goma.
Komite yahawe Burugumesitiri wungirije, Katembo Isevisya wari mu buyobozi bwa teritwari ya Lubero, Radjabu Kwizera Elie agirwa Burugumesitiri wungirije wa Komini Karisimbi.
AFC/M23 yafashe umujyi wa Goma tariki ya 27 Mutarama 2025. Yashyizeho abayobozi bashya kugira ngo bayifashe kuwusubiza ku murongo mu rwego rw’umutekano, imibereho y’abaturage, banakurikirane imishinga yo kubaka ibikorwaremezo.
Mu kiganiro Katembo yagiranye na IGIHE muri Mutarama 2026, yatangaje ko ubu Goma itekanye, kandi ko ibikorerwamo byose birimo ubucuruzi bigenda neza kurusha uko byahoze.
