Akamaro k’inyanya mbisi mu mubiri w’umuntu

Inyanya mbisi ni imwe mu mbuto zikunze kuboneka ku masoko no mu mirima y’Abanyarwanda. Nubwo benshi bayitekereza nk’imboga, mu by’ukuri inyanya ni imbuto yuzuyemo intungamubiri zifasha umubiri gukora neza. Iyo ziriwe ari mbisi, ziba zigifite intungamubiri nyinshi zitarangirika zigafasha umubiri gukora neza.

Uyu munsi tugiye kurebera hamwe akamaro k’inyanya mbisi ku mubiri w’umuntu.

2. Inyanya mbisi ni isoko nziza ya Vitamini C

Inyanya mbisi zikungahaye kuri Vitamini C, ifasha kongera ubudahangarwa bw’umubiri. Iyi vitamini ituma umubiri urwanya indwara ziterwa n’udukoko ndetse igafasha no gukira vuba igihe umuntu arwaye. Abantu bakunda kurya inyanya mbisi kenshi baba bafite amahirwe menshi yo kugira ubudahangarwa bukomeye.

3. Kurinda umutima n’imiyoboro y’amaraso

Inyanya zirimo intungamubiri yitwa lycopene ifasha kurinda umutima. Lycopene igabanya ibinure bibi (cholesterol mbi) mu maraso bityo igatuma imiyoboro y’amaraso ikora neza. Kurya inyanya mbisi bishobora gufasha kugabanya ibyago byo kurwara indwara z’umutima.

4. Gufasha uruhu kuba rwiza kandi rufite ubuzima

Abahanga mu by’imirire bavuga ko inyanya mbisi zifasha uruhu kuba rwiza. Vitamini C na lycopene biri mu nyanya bifasha kurinda uruhu kwangizwa n’izuba no gutuma rusa neza. Ni yo mpamvu hari n’abazikoresha mu buryo bwo kwita ku ruhu.

5. Gufasha igogorwa ry’ibiryo

Kubera ko inyanya zirimo amazi menshi n’uduce tw’inyuzanyo (fibres), zifasha mu igogorwa ryiza ry’ibiryo. Zifasha igifu gukora neza no kwirinda impatwe. Kurya inyanya mbisi mu mafunguro ya buri munsi bishobora gutuma igogorwa rikora neza kandi umubiri ukamera neza.

6. Kugabanya umuvuduko w’amaraso

Inyanya zirimo potassium, ifasha kugenzura umuvuduko w’amaraso. Abantu bafite ikibazo cy’umuvuduko ukabije bashobora kungukirwa no kurya inyanya mbisi mu rugero rukwiye, kuko zifasha umutima n’imiyoboro y’amaraso gukomeza gukora neza.

Nubwo inyanya mbisi zifite akamaro kanini, ni ngombwa kuzirya zisukuye neza kugira ngo wirinde indwara zituruka ku mwanda cyangwa udukoko.Zishobora kuribwa zonyine, mu masaladi, cyangwa zigashyirwa mu mafunguro atandukanye.

Kurya inyanya mbisi mu rugero rukwiye no mu buryo bufite isuku ni intambwe nziza yo kwita ku buzima.