Polisi yataye muri yombi abasore babiri bagaragaye mu mashusho bakubita umukobwa

Umuvugizi wa Polisi y’u Rwanda, ACP Rutikanga Boniface, yatangaje ko abasore babiri bagaragaye mu mashusho bakubita umukobwa mu muhanda batawe muri yombi.

ACP Rutikanga yabitangaje ku wa 2 Weurwe 2026, yifashishije urubuga rwe rwa X ubwo yasubizaga Umunyamakuru Robert Cyubahiro McKenna wari washyize hanze amashusho y’abo basore bakubita umukobwa.

Muri ayo mashusho, abasore babiri bagaragara bakubita uwo mukobwa, bamukurura hasi mu muhanda, bamukubita imigeri, ibipfunsi n’inshyi.

ACP Rutikanga yahise asubiza ati “abagaragaye muri aya mashusho bafashwe, bafungiye kuri sitasiyo ya Polisi ya Muhoza. Turashimira abagize uruhare mu gutanga amakuru.”